हिंगणघाट (प्रतिनिधी): सचिन हाडके
शहरातील प्रभाग क्रमांक १ मधील विविध भागात रात्रीच्या वेळी मोठ्या प्रमाणात अंधार राहत असल्याने नागरिक, महिला आणि लहान मुलांना अनेक अडचणींचा सामना करावा लागत आहे. ही समस्या मार्गी लावण्यासाठी या भागात नवीन पथदिवे (स्ट्रीट लाईट्स) बसवण्यात यावेत, अशी मागणी नगरसेवक श्री. विक्रांत गर्गमुनी भगत यांनी निवेदनाद्वारे केली आहे.
नगरपालिका अध्यक्षांना दिलेल्या पत्रात भगत यांनी म्हटले आहे की, प्रभागातील काही विशिष्ट भागात सध्या प्रचंड अंधार असतो. त्यांनी स्वतः रात्रीच्या वेळी या परिसराची पाहणी केली असता, सुरक्षिततेच्या दृष्टीने या ठिकाणी तातडीने लाईट लावणे आवश्यक असल्याचे दिसून आले. विशेषतः लहान मुले आणि महिलांच्या सुरक्षिततेसाठी हा निर्णय घेणे गरजेचे आहे.
या ठिकाणी नवीन लाईट लावण्याची मागणी:
नगरसेवकांनी खालील पाच प्रमुख ठिकाणांची यादी प्रशासनाला सोपवली आहे:
- नन्न्शाहा वॉर्ड: शंकरजींच्या मंदिरामध्ये.
- खंडोबा वॉर्ड: नरेश भगत कुंभारे यांच्या घराजवळ.
- खंडोबा वॉर्ड: प्रमोद बांटकर (डफ बाबू) यांच्या घराजवळ.
- भीमनगर वॉर्ड: आशिष निमसरकार यांच्या दुकानाजवळ.
- भीमनगर वॉर्ड: खादी मैदान जवळ, चंद्रमणी मुल यांच्या घराजवळ.
या मागणीची दखल घेऊन नगरपरिषद प्रशासन लवकरात लवकर कार्यवाही करेल, अशी अपेक्षा प्रभागातील नागरिकांनी व्यक्त केली आहे.
टिप्पणी पोस्ट करा
0 टिप्पण्या