छत्रपती संभाजीनगर/कन्नड (प्रतिनिधी): अश्विन बोदडे
कन्नड : तालुक्यातील सामान्य नागरिकांच्या आरोग्याशी खेळणाऱ्या प्रशासनाचा आणि 'घाटी' (ग्रामीण रुग्णालय) मधील बोगस कारभाराचा पर्दाफाश करण्यासाठी आदिवासी चक्रीवादळ संघाचे महाराष्ट्र राज्य युवा अध्यक्ष सतीश काळे आता आक्रमक झाले आहेत. रुग्णालयातील औषधींचा तुटवडा आणि अधिकार्यांच्या उडवाउडवीच्या उत्तरांमुळे संतप्त झालेल्या काळे यांनी थेट प्रशासनाला 'नागड्या आंदोलनाचा' इशारा दिला आहे.
मिळालेल्या माहितीनुसार, कन्नड येथील ग्रामीण रुग्णालयात साध्या गोळ्यांचीही सुविधा उपलब्ध नाही. रुग्णांना उपचारासाठी वणवण करावी लागत आहे. सतीश काळे यांनी या गंभीर प्रश्नावर प्रशासनाला जाब विचारला असता, संबंधित अधिकार्यांनी समाधानकारक उत्तरे देण्याऐवजी उडवाउडवीची उत्तरे दिली. यामुळे तालुक्यातील गरीब आणि गरजू रुग्णांचे हाल होत असल्याचे चित्र स्पष्ट झाले आहे.
सतीश काळे यांच्या प्रमुख मागण्या:
- रुग्णालयात तात्काळ सर्व प्रकारच्या औषधींचा पुरवठा सुरू करावा.
- सोनोग्राफी आणि सिटीस्कॅन (CT Scan) या सुविधा कन्नडमध्येच उपलब्ध करून द्याव्यात.
- गरीब रुग्णांना खाजगी हॉस्पिटलमध्ये जावे लागू नये, याची दक्षता घ्यावी.
"माझ्या खिशातून पैसे दिले, पण लोकांचे हाल पाहवत नाहीत"
सतीश काळे यांनी आपली खंत व्यक्त करताना सांगितले की, "मी स्वतः गेल्या चार वर्षांत अनेक रुग्णांना मदत केली. रुग्णवाहिकेमध्ये (ॲम्ब्युलन्स) काम करत असताना अनेक मुलींची डिलिव्हरी माझ्या हातात झाली आहे. लोकांकडे पैसे नसताना मी स्वतःच्या पगारातून खर्च करून त्यांना छत्रपती संभाजीनगर येथे उपचारासाठी नेले. मला माजी आमदार उदयसिंग राजपूत यांच्या हस्ते पुरस्कार मिळाला, तो माझ्या कामाचा पुरावा आहे. पण आजही रुग्णालयात सोयी नसतील, तर मी गप्प बसणार नाही."
"जर प्रशासनाने सुधारणा केली नाही, तर पिशोर नाका, कन्नड येथे हजारो कार्यकर्त्यांसह मी स्वतः 'नागडे आंदोलन' करेन. हा लढा माझ्यासाठी नाही, तर कन्नड तालुक्यातील प्रत्येक गरीब रुग्णासाठी आहे."
— सतीश काळे (युवा अध्यक्ष, आदिवासी चक्रीवादळ संघ, महाराष्ट्र राज्य)
ठळक मुद्दे:
- विषय: कन्नड ग्रामीण रुग्णालयातील असुविधा आणि औषध टंचाई.
- चेतावणी: पिशोर नाका येथे हजारो समर्थकांसह नागडे आंदोलन करणार.
- आरोप: प्रशासकीय अधिकाऱ्यांकडून कामात दिरंगाई आणि उडवाउडवीची उत्तरे.
टिप्पणी पोस्ट करा
0 टिप्पण्या