AIMIM चा वाढता कारवाँ: पुलगावमध्ये अनेक जबाबदार पदाधिकारी व कार्यकर्त्यांचा AIMIM मध्ये भव्य प्रवेश

 

​पुलगाव (विशेष प्रतिनिधी):

दिनांक १८ सप्टेंबर २०२६ रोजी AIMIM चे वर्धा जिल्हाध्यक्ष आसिफ खान साहेब यांच्या पुलगाव दौऱ्यादरम्यान ऑल इंडिया मजलिस-ए-इत्तेहादुल मुस्लिमीन (AIMIM) पक्षात मोठ्या प्रमाणावर पक्षप्रवेश सोहळा पार पडला. पुलगाव शहरातील अनेक जबाबदार पदाधिकारी व कार्यकर्त्यांनी AIMIM मध्ये प्रवेश करत पक्ष मजबूत करण्यासाठी प्रामाणिकपणे काम करण्याचा दृढ संकल्प केला.

​यावेळी राष्ट्रवादी काँग्रेस पार्टी (शरदचंद्र पवार) अल्पसंख्याक विभागाचे पुलगाव विधानसभा अध्यक्ष वसीम शेख उर्फ बबलू भाई तसेच तहसील अध्यक्ष सलीम शेख यांनी आपल्या असंख्य कार्यकर्त्यांसह AIMIM पक्षात अधिकृत प्रवेश केला.

​कार्यक्रमात वर्धा जिल्हाध्यक्ष आसिफ खान साहेब यांच्या शुभहस्ते नवनियुक्त पदाधिकाऱ्यांना नियुक्तीपत्र देऊन सन्मानित करण्यात आले.

​AIMIM पुलगाव शहर कमिटीची नवीन कार्यकारिणी खालीलप्रमाणे:

• ​शहर अध्यक्ष: वसीम शेख उर्फ बबलू भाई
• ​उपाध्यक्ष: सलीम शेख, शम्सुद्दीन अंसारी, शेख महमूद
• ​महासचिव: सैयद मोहसिन अली, शब्बीर खान न्यामत खान
• ​सचिव: अरहान शेख, अरमान शेख
• ​सोशल मीडिया प्रमुख: रेहान शेख
• ​सदस्य: फारुक शेख, शेख चाँद, आमीन पठाण, इरफान भाई, शंकरराव वासनिक, अशफाक भाई मंसूरी, खलील अहमद शेख

​या सोहळ्याला AIMIM वर्धा सोशल मीडिया प्रमुख आवेझ शेख, वर्धा शहर सचिव राजिक खान, शेरू भाई, इफ्फू भाई यांच्यासह पक्षाचे प्रमुख पदाधिकारी व कार्यकर्ते मोठ्या संख्येने उपस्थित होते.

​याप्रसंगी मार्गदर्शन करताना जिल्हाध्यक्ष आसिफ खान साहेब यांनी सर्व नवनियुक्त पदाधिकाऱ्यांचे अभिनंदन केले आणि पक्षाची ध्येयधोरणे तळागाळातील लोकांपर्यंत पोहोचवून जबाबदारी मेहनतीने पार पाडण्याचे आवाहन केले.

​AIMIM चा संदेश: प्रत्येक समाजाच्या हक्क, न्याय आणि विकासासाठी एकत्रितपणे काम करणे हेच आमचे मुख्य ध्येय आहे.

​बातमी संकलन: अर्पित वाहाणे (मो. ८९५६६४७००४)