वर्धा-बल्लारशाह पॅसेंजर ट्रेनच्या वेळेत बदल; ५ सप्टेंबरपासून नवीन वेळ लागू

 

 विशेष प्रतिनिधी: अश्विन बोंदाडे

​वर्धा / चंद्रपूर:

मध्य रेल्वे, मुंबई झोनद्वारे दैनंदिन प्रवाशांच्या सोयीसाठी वर्धा ते बल्लारशाह दरम्यान धावणाऱ्या मेमू (MEMU) ट्रेनच्या वेळेत महत्त्वपूर्ण बदल करण्यात आला आहे. कोचिंग अधिसूचना क्र. २७१/२०२६ नुसार हा नवीन बदल ५ सप्टेंबर २०२६ पासून लागू झाला आहे.

​वेळेतील मुख्य बदल:

• ​ट्रेन नंबर: ६११२७ वर्धा – बल्लारशाह (दैनिक) मेमू
• ​नवी वेळ: वर्धा स्टेशनवरून ही ट्रेन आता सकाळी ६:३० ऐवजी सकाळी ७:३० वाजता सुटेल.

​प्रवाशांना मोठा फायदा:

मुंबईवरून नागपूरकडे येणाऱ्या १२२८९ मुंबई-नागपूर दुरांतो एक्सप्रेस (सकाळी ६:५७) आणि १२१०५ मुंबई-नागपूर विदर्भ एक्सप्रेस (सकाळी ७:१२) या ट्रेन वर्धा येथे पोहोचतात. आता वर्धा-बल्लारशाह मेमू सकाळी ७:३० वाजता सुटणार असल्याने, दुरांतो आणि विदर्भ एक्सप्रेसने वर्ध्याला पोहोचणाऱ्या प्रवाशांना चंद्रपूर आणि बल्लारशाहच्या दिशेने पुढे जाण्यासाठी सोयीचे कनेक्टिंग वाहन उपलब्ध झाले आहे.

​संशोधित वेळ-सारणी (काही प्रमुख स्थानके):

क्र. सं.	स्टेशनचे नाव	आगमन (Arr.)	प्रस्थान (Dep.)
१	वर्धा जंक्शन	-	०७:३०
२	हिंगणघाट	०८:१७	०८:३२
३	वरोरा	०९:१२	०९:१३
४	माजरी जंक्शन	०९:२६	०९:२७
५	भांदक	०९:३७	०९:५१
६	चंद्रपूर	१०:२६	१०:२८
७	बल्लारशाह	११:०५	-

(ट्रेन चितोडा, भुगाव, सोनेगाव, वाघोळी, येनूर, नागरी, चिकणी रोड, ताडाळी, छोटी पडोली, विवेकानंद नगर, बाबुपेठ आणि गोंडवाना विसापूर या सर्व निर्धारित हॉल्टवर थांबेल.)

​आमदार श्री सुधीरभाऊ मुनगंटीवार यांच्या मार्गदर्शनाखाली ZRUCC सदस्य अजय दुबे यांनी DRM नागपूर यांच्याकडे या वेळेत बदल करण्यासाठी सातत्याने पाठपुरावा केला होता. प्रवाशांनी प्रवासाला निघण्यापूर्वी सुधारित वेळेची खात्री करून घ्यावी, असे आवाहन मध्य रेल्वे प्रशासनातर्फे करण्यात आले आहे.