वर्धा शहर पोलिसांची धडक कारवाई: दुचाकी चोरणाऱ्या सराईत गुन्हेगाराला ठोकल्या मुसक्या; ६ मोटारसायकली जप्त

 

​वर्धा (प्रतिनिधी): सचिन हाडके 

वर्धा शहर पोलिसांनी धडक कारवाई करत दुचाकी वाहनांची चोरी करणाऱ्या एका सराईत गुन्हेगाराच्या मुसक्या आवळल्या आहेत. या कारवाईत आरोपीकडून एकूण १ लाख ७५ हजार रुपये किमतीच्या ६ जुन्या मोटारसायकली जप्त करण्यात पोलिसांना यश आले आहे.

​काय आहे नेमके प्रकरण?

मीरा नगर, सिंधी येथे राहणारे तक्रारदार प्रफुल कृष्णराव रामटेके (वय ४७) यांनी वर्धा शहर पोलीस ठाण्यात तक्रार दाखल केली होती. दिनांक १७ ऑगस्ट २०२६ रोजी रात्री ८ वाजेच्या सुमारास त्यांनी आपली हिरो होंडा स्प्लेंडर प्लस मोटारसायकल (क्रमांक MH 32 L 0737) बजाज चौक येथील भाजी बाजारात पार्क केली होती. थोड्या वेळाने परत आले असता त्यांची रु. १५,०००/- किमतीची दुचाकी अज्ञात चोरट्याने लांबवल्याचे निदर्शनास आले. तक्रारीवरून पोलिसांनी गुन्हा नोंदवून तपासाची चक्रे वेगाने फिरवली.

​यवतमाळ पोलिसांच्या मदतीने आरोपी निष्पन्न

तपासादरम्यान आरोपी वृषभ शंकरराव टेकाम (वय ३६, रा. येरणगाव, ता. बाभुळगाव, जि. यवतमाळ) याला यवतमाळ पोलिसांनी अटक केली होती. त्याने वर्ध्यातून दुचाकी चोरी केल्याची कबुली दिल्यानंतर, वर्धा पोलिसांनी त्याला पीसीआर (Police Custody Remand) दरम्यान ताब्यात घेतले. आरोपीच्या शेताजवळून खालील दुचाकी जप्त करण्यात आल्या:

• ​हिरो होंडा स्प्लेंडर (MH 32 L 0737) – किंमत रु. ३०,०००/-

• ​हिरो होंडा स्प्लेंडर (MH 32 S 6502) – किंमत रु. २५,०००/-

• ​हिरो होंडा स्प्लेंडर (MH 32 E 4195) – किंमत रु. ३०,०००/-

• ​हिरो होंडा स्प्लेंडर (MH 32 M 6851) – किंमत रु. ३०,०००/-

• ​हिरो होंडा स्प्लेंडर (MH 29 AB 3337) – किंमत रु. ३०,०००/-

• ​बजाज प्लेटिना (MH 32 L 2496) – किंमत रु. ३०,०००/-

​पोलीस पथकाची कामगिरी

सदर धडक कारवाई पोलीस अधीक्षक श्री. सौरभकुमार अग्रवाल, अपर पोलीस अधीक्षक श्री. सदाशिव वाघमारे, उपविभागीय पोलीस अधिकारी श्री. सुनिल महाडीक यांच्या मार्गदर्शनात पोलीस निरीक्षक नागेशकुमार चत्तरकर, पोलीस उपनिरीक्षक शरद गायकवाड, सहायक पोलीस उपनिरीक्षक राजेंद्र हाडके, तसेच अमलबार राजेश डाrange, संतोष ईणारे, चेतन डुबे, अझिम शेख आणि शशिकांत मुंडे यांच्या पथकाने यशस्वीरीत्या पार पाडली. प्रकरणाचा पुढील तपास वर्धा पोलीस करीत आहेत.